Вторник, 23.10.2018, 08:29
Qırımtatar musicbeta
Приветствую Вас Гость | RSS
[ Новые сообщения (лента) · Участники · Правила форума · Поиск · ]
  • Страница 2 из 5
  • «
  • 1
  • 2
  • 3
  • 4
  • 5
  • »
Модератор форума: Дилявер, Refat  
Форум » Форум Qmusic » Общий форум » Йырларынъ сёзлери (тексты песен, lyrics)
Йырларынъ сёзлери (тексты песен, lyrics)
BayrachДата: Среда, 02.09.2009, 00:24 | Сообщение # 16
Рядовой
Группа: Пользователи
Сообщений: 4
Репутация: 0
Статус: Offline
Destan - Ай чалашым

Ай чалашым, чалашым, чалашым,
Ай чалашым, чалашым, чалашым,
Кульге пышкен халачым.

Сен чалашкъа кельгенде, кельгенде,
Сен чалашкъа кельгенде, кельгенде,
Тай соярман асабай,
Тай соярман асабай.

Татар ашы пышырып, пышырып,
Татар ашы пышырып, пышырып,
Май къуярман асабай,
Май къуярман асабай.

Уйум алды чукъурчыкъ,
Уйум алды чукъурчыкъ,
Шейтан къазгъан асабай,
Шейтан къазгъан асабай.

Экевмызде быр бойда, быр бойда,
Экевмызде быр бойда, быр бойда,
Мевлям язгъан асабай,
Мевлям язгъан асабай.

Айд(ы) ойнайыкъ, ойнайыкъ, ойнайыкъ,
Айд(ы) ойнайыкъ, ойнайыкъ, ойнайыкъ,
Той ясайыкъ асабай,
Той ясайыкъ асабай.

Быз эшикте сыз торде, сыз торде,
Быз эшикте сыз торде, сыз торде,
Чынлашайыкъ асабай,
Чынлашайыкъ асабай.

Ай чалашым, чалашым, чалашым,
Ай чалашым, чалашым, чалашым,
Кульге пышкен халачым,
Кульге пышкен халачым.

Сообщение отредактировал Bayrach - Среда, 02.09.2009, 00:26
 
ArsДата: Вторник, 22.09.2009, 13:19 | Сообщение # 17
Рядовой
Группа: Пользователи
Сообщений: 4
Репутация: 0
Статус: Offline
Диляра."ЯЛАН СЁЗЛЕР"

муз.ве сёз.Зоре Кадыевой

О гедже къалыр акъылымда, къалыр омурлюк.
Меним учюн эн бахтлы кун,эн гузель кун.
Сенинь о татлы сёзлеринъ юрегим иритти
"Сени севем", "Сени севем" - айттын манъа!

Багълама:
Ялан,ялан,ялан сенинь айткъан сёзлеринъ!!
Не ичюн мен санъа инандым,
Не ичюн,не ичюн мен сени севдим??

Кечти баарь,эм яз кечти...
Бизим севги сепельди кузь япракъ киби.
Лякин о татлы сёзлеринъ акълымда эп тура,
"Сени севем","Сени севем" айттын манъа!!

Б-ма.

 
СусикДата: Среда, 14.10.2009, 16:53 | Сообщение # 18
Рядовой
Группа: Пользователи
Сообщений: 1
Репутация: 0
Статус: Offline
Селям алейкум))))пожалуйста напишите слова из песни Эдипа Асанова-БАГЪЧАСАРАЙ АРаЛЫКЪЛАРЫ)))очень нравиться мне эта песня)))сагъ олунъыз заранее))0
 
AlessandroДата: Четверг, 15.10.2009, 13:36 | Сообщение # 19
Сержант
Группа: Пользователи
Сообщений: 39
Репутация: 3
Статус: Offline
http://medeniye.org/node/568

Эдип Асанов

Багъчасарай аралыкълары

сёзлер – Шакир Селим ве Эдип Асанов, музыка – Эдип Асанов

Омюрим керван киби
Кече козю огюндем.
Балалыкътан оськен ерим
Чыкъмай эсимден.

Багълама:
Багъчасарай аралыкълары
Яшлыгъым сизнен багълы.
Алчакъ юксек эвлеринъиз
Акълымда къалды.
Багъчасарай аралыкълары
Яшлыгъым сизнен багълы.
Алчакъ юксек эвлеринъиз
Акълымда къалды.

Сырлы чешме савускъан.
Шабалта ашлыкъ базар
О мааллелер, о сокъакълар
Акълымда тура.

Багълама.

Гъам ве къасеветлерни
Сизлер иле мен больдим.
Сизлер иле эфкярымда
Йырладым, кульдим.

Багълама.

Чюрюк Сувнынъ бойларында
Тамыраткъан сельбилеринъ
Нечюн осьмей, нечюн къаврай?
Отуз эки ай йылдызынъ къайда баткъанъ,
Сёйле манъа Багъчасарай, Багъчасарай...

Сообщение отредактировал Alessandro - Четверг, 15.10.2009, 13:37
 
SilovaДата: Пятница, 16.10.2009, 19:55 | Сообщение # 20
Рядовой
Группа: Пользователи
Сообщений: 1
Репутация: 0
Статус: Offline
не могли бы написать текст песни Эмилии Аблаевой -достум

Добавлено (16.10.2009, 19:55)
---------------------------------------------

Сообщение отредактировал Silova - Пятница, 16.10.2009, 19:55
 
YigithanДата: Суббота, 31.10.2009, 00:35 | Сообщение # 21
Полковник
Группа: Модераторы
Сообщений: 187
Репутация: 5
Статус: Offline
EMİLİYA ABLAYEVA - DOSTUM

Dostum, yarın yañı kün kene doğacaq,
Ayatımız şeñ ve bahtlı olacaq.
Dostum, ağır künde maña uzattıñ sen qoluñ.
Sağ ol, maña sen yardımcı oldıñ.

Sayma, sayma sen, dostum, keçken yıllarıñnı.
Qalbiñ sevginen tolsun, er daqqa şeñlik olsun.

Dostum, çoq yıllar sennen yan-yana oldıq,
Beraber kederlendik, küldik.
Dostum, bahtlı olğanıñnı men candan isteyim.
Dostluğımızdan iç vazgeçmeyim.

Sayma, sayma sen, dostum, keçken yıllarıñnı.
Qalbiñ sevginen tolsun, er daqqa şeñlik olsun.

Добавлено (31.10.2009, 00:35)
---------------------------------------------
FAETON - MEMLEKETİM

Kezdim çoq yerlerde men bu alemni

İç bir yerde yoq senin kibisi

Taşına suvuna qurban olurum

Sevginnen büyüttün Memleketim

Saña zarar vergen eller qırılır

O bayraq iç inmez, ep dalğalanır

Saña zarar vergen eller qırılır

O bayraq iç inmez, ep dalğalanır

Bu Vatanıñ evlâtları vermege azır canıñ

İç bir zaman yerde qalmaz atalarımızıñ qanı, ey

Bu Vatanıñ evlatları vermege azır canıñ

İç bir zaman yerde qalmaz atalarımızıñ qanı, ey

Memleketim, Memleketim, ayatım, er şeyim sen

Közlerimni açtığım menim canım Memleketim

 
ДиляверДата: Воскресенье, 08.11.2009, 11:23 | Сообщение # 22
Полковник
Группа: Модераторы
Сообщений: 184
Репутация: 9
Статус: Offline
Достлар, селям алейкум!

Дилявер Османовнын иджрасынды "Чибин" деген тюркинин сёзлери вармы кимседе?)))


Кто лучший из лучших? - я слышу вопрос.
Ответ на него сразу мудрость даёт:
Кто больше всех пользы народу принёс,
он лучший из лучших! он - выше всего!
(Абдуррахман Джами)
 
YigithanДата: Воскресенье, 08.11.2009, 13:07 | Сообщение # 23
Полковник
Группа: Модераторы
Сообщений: 187
Репутация: 5
Статус: Offline
Сен деген йырынынъ сёзлерни тек Дилявер Османов биле ))
 
ДиляверДата: Воскресенье, 08.11.2009, 20:35 | Сообщение # 24
Полковник
Группа: Модераторы
Сообщений: 184
Репутация: 9
Статус: Offline
biggrin э
ээ, догъру айтасын!))))))))


Кто лучший из лучших? - я слышу вопрос.
Ответ на него сразу мудрость даёт:
Кто больше всех пользы народу принёс,
он лучший из лучших! он - выше всего!
(Абдуррахман Джами)
 
RiverRatДата: Четверг, 19.11.2009, 09:53 | Сообщение # 25
Сержант
Группа: Пользователи
Сообщений: 24
Репутация: 3
Статус: Offline
On Eki De Ördek

CAŞ:
On eki de ördek arasından
Tanır mısıñ atasın
Öziñ cigit çaqırasıñ
Öziñ yuqlap catasıñ.

QIZ:
Ay bülbülim, vay bülbülim
Qayda qaldıñ süygülim,
Ğaflet qaldım men aytamağa
Qanatım yoq uçmağa

CAŞ:
Keçe keçtim qaraltıñdan
Kemanemen daremen
Ana bugün, ana yarın,
Alırman dep cüremen

QIZ:
Ah, vah etip men cürsem de
Duşmanıma bildirmem
Senden başka kimselerge
Közyaşlarım sildirmem

CAŞ:
At atlatıp, men bararman
Süygenimikörmege
Em aldaşıp, em sırdaşıp
Qalbindekin bilmege

Tertip Eticiler: Dilaver Osmanov, Cemil Karikov

Bu çıñlaşmanıñ bir variantini aşağıdaki bağlantıdan diñley bilirsiñiz:
http://www.ex.ua/view/258646


Körermiken tatarlıq bir oñğanlıq?
 
BayrachДата: Воскресенье, 06.12.2009, 14:36 | Сообщение # 26
Рядовой
Группа: Пользователи
Сообщений: 4
Репутация: 0
Статус: Offline
Canay

Al qoyan canay çal qoyan canay
Ay carıqta çöl da oynar canay
Aruvce qızman dost bolsañ canay
Lãle çeçek qol da oynar canay

Qaraltından keçkemen canay
Pencerene çertemen canay
Anayıñ mağa darılğan canay
Men anaña qatkemen canay?

Ay pazarğa barayıq canay
Çetlevik qozı alayıq canay
Çetlevik sağa qoz mağa canay
Kelinçek sağa qız mağa canay

Mında http://beemp3.com/download.php?file=811373&song=Al+Koyan+Canai - tartıp almaq mülkün.

Добавлено (06.12.2009, 14:36)
---------------------------------------------
Oneki de ördek - http://tatar.ro/multimedia.php

Oneki de ördek arasından
Tanır mısıñ atasın
Öziñ de cigit çaqırasıñ
Öziñ de catıp yuqlaysıñ.

Ay bülbülim, vay bülbülim
Qayda qaldıñ süygülim,
Ğafleti qaldım men aytmağa
Qanatım yoq uçmağa

Uçqan quştan qarılğaçtan
Men yaremni sorayman
Bilmiy kibi alamayman
Otura da cılayman

Keçe keçtim qaraltıñdan
Kemanemen daremen
Ana bugün, ana yarın,
Alırman dep cüremen

Сообщение отредактировал Bayrach - Понедельник, 07.12.2009, 23:42
 
RiverRatДата: Среда, 27.01.2010, 13:35 | Сообщение # 27
Сержант
Группа: Пользователи
Сообщений: 24
Репутация: 3
Статус: Offline
Mına bunı pek begenem:

Nazan Öncel - Gitme Kal Bu Şehirde

Güz yaprakları düştü gazeller oldu
Bulut indi yeryüzüne sevdalı oldu
Bir avuntu biraz keder böyle bize neler oldu
Bu ayrılık birde hasret çekilmez oldu

Ay karanlık hep karanlık yüzü bize döner oldu
Bir ihtimal daha vardı felaket oldu
Gitme gitme gitme kal bu şehirde
Gitme gitme yazık olur bize

Geceler kör dilsiz sanki konuşmaz oldu
Hüzünler koyduk üstüste ayrılık oldu
Bir avuntu birar keder böyle bize neler oldu
Bu ayrılık birde hasret çekilmez oldu

Ay karanlık hep karanlık yüzü bize döner oldu
Bir ihtimal daha vardı felaket oldu
Gitme gitme gitme kal bu şehirde
Gitme gitme yazık olur bize


Körermiken tatarlıq bir oñğanlıq?
 
O-skinДата: Пятница, 29.01.2010, 15:09 | Сообщение # 28
Рядовой
Группа: Пользователи
Сообщений: 10
Репутация: 1
Статус: Offline
Сайгъылы Достлар.. Быр де Ногъай Бейитлерин сёзлерини язсаныз... Сагъолунъыз
 
RiverRatДата: Суббота, 30.01.2010, 12:44 | Сообщение # 29
Сержант
Группа: Пользователи
Сообщений: 24
Репутация: 3
Статус: Offline
Quote (RiverRat)
Сайгъылы Достлар.. Быр де Ногъай Бейитлерин сёзлерини язсаныз... Сагъолунъыз

Айды, яз десенъиз мен язайым ногъай беитлерни бильгенден сонъ... smile

NOĞAY BEYİTLERİ-1

A-a-ay!
Ayt deseñiz, men aytayım, av,
Bilgenden soñ.
Ah degende aq cigerim, av,
Küygenden soñ.
Til-tañlayım körinedir, av,
Külgenden soñ.
Dünyalarnı devir etken, av,
Eki ayağım
Topraq bolıp, çürip qalır, ay, igiler,
Ölgenden soñ, ey-ey!

A-a-ay!
Biz ölgen soñ, av,
Üstimizge otlar biter.
Qızıl-qumral, qaşqa qoylar, av,
Otlap cürer.
Çarıq avuz bay çobanı, av,
Taptap keçer.
Bilgen qullar avuçın açıp, av,
Dua eter.
Bilmegen qul kör ayvanday, ay igiler,
Öter de keter, ey-ey!

A-a-ay!
Sekiz tüye berip alğan, av,
Baynıñ qızı,
Soramañız, men aytayım, av,
Erge ne eter.
Ölgen küni, aqtan qorqıp, av,
İyisin eter,
Ekinci küni, qalqtan yalıp, av,
Sıyısın eter,
Üçinci küni, duvadaqnıñ atasınday
Çadırlanıp, ay igiler,
Bayğa da keter, ey-ey!

A-a-ay!
Bir tek çınar, eki çınar, av,
Cin boylı yar,
Çimtiyandan kölegi bar, av,
Ceñleri tar.
Omıravda tüymesi bar, av,
Tenge batar,
Künde biñ kere körilgen, av,
Süygili yar,
Bir kün boldı, bir körinmey, ay igiler,
Nazlanıp turar, ey-ey!

A-a-ay!
Kök deryanıñ ortasında, av,
Piyalaman,
Canıp-küyip, col talmağan, av,
Budalaman.
İç dertimni aytmağa, av,
Uyalaman.
Qolında yarın aldırıp, av,
Öksiz qalğan
Em asretli, zm canıqlı, ay igiler,
Bir balaman, ey-ey!

A-a-ay!
Kök deryanıñ ortasında, av,
Bir bay terek.
Biri uçıp, biñi qonar, av,
Bülbül erek.
Bay qızına menday etken, av,
Bir er kerek,
Oğa qarap otırmağa, av,
Sabır kerek.
Qolında yarın aldırğan aliysizge, ay igiler,
Yar ne kerek, ey-ey?

A-a-aya!
Sarı atımnıñ savrasına, av,
Saldım iyeri.
İyerimni salayatıp, av,
İçim küyer.
Aruv qız, közime qaramaz,
Nazarım tiyer.
İçimde bir dertim bar, av,
İçkiden beter,
Aşıqlıq qıyın şey eken, ay igiler,
Divane eter, ey-ey!

A-a-ay!
Beyit emiş, beyit emiş, av,
beyit emiş,
Beyit yazıp, ölip ketken, av,
Şeit emiş.
Caşlığına toymay ölgen, av,
Ğarip emiş,
Cav colında başın bergen, av,
Cigit emiş,
Aşıq bolıp, ölip ketken, ay,
Bir it emiş, ey-ey!

A-a-ay!
Çıqqan edim men colğa, av,
Coğım aray,
Colıma, av, bir qız da çıqtı,
Başın taray,
Qayırılıp, av, selâm berdim,
Köñil aray,
Aruv da qız şaşıp qaldı, av,
Selâmım almay,
O da menday bir dertli eken, ay,
Qaldı da cılay, ey-ey!

A-a-ay!
Bir de aytar, eki de aytar, av,
Üç de aytar.
Omıravğa otız tüyme, av,
Tenge batar.
Cañı üylengen caş cigitler, av,
Erte catar,
Aruv da qızman onı-monı sırdaşqaçı
Çır-çır eter torğaylar, ay,
Tañlar da atar, ey-ey!

A-a-ay!
Qırnı, suvnı on beş künde
Ozıp keçtim,
Top cılğanıñ tartıp alıp,
Suvın içtim.
Aydamaqlıq etemen dep, av,
Üyimden köçtim,
Bay noğaynıñ qoy qoşında, av,
Şaqşır biçtim,
Aruv da qızğa aşıq bolıp, ay,
Candan da keçtim, ey-ey!

A-a-ay!
Capalaq degen yaman quşnıñ
Başı qaşqa,
Qanatı uzın, közi büyük, av,
Moynı qısqa.
Yaqşı qızman yaman da qıznıñ, av,
Oyını başqa,
Yaqşı da qız eş-dostıman qacav eter,
Yaman da qıznı alday-alday, ay,
Esiñ de keter, ey-ey!

A-a-ay!
Cılqı içinde süyer atım, av,
“Ciyren canbaz”.
Aruv qıznıñ oyınınday, av,
Oyın bolmaz,
Kelinçekniñ eñ iygisi, av,
Qızday bolmaz,
Üyde otırıp, aruv qızlar ülgi oyar,
Caş kelinniñ baqışından, ay,
Alem le duyar, ey-ey!

A-a-ay!
Tebingen attan aq köbikmen, av,
Ter de çıqar.
Tel-tel çıban, tel çıban, av,
Tenge çıqar.
Aq pamuqtan iyliy-iyliy, av,
Bez de çıqar.
Aqıllıman söz etişseñ, av,
Söz de çıqar,
Aqılsızman söz etişseñ, baş teşilip, ay,
Köz de çıqar, ey-ey!

A-a-ay!
Oylansam, dünya qaranğı, av,
Oylanmayman.
Men Çolpanım şaşırdım, av,
Tabalmayman.
Em canğızman, em caşman, av,
Dep cılayman,
Cılamayım, canmayım, av,
Desem de bolmay,
Aruv da qızsız dünyada, ay,
Eksigim tolmay, ey-ey!

A-a-ay!
Kündeşim yoq, eşim yoq, av,
Başım da qara,
Caş canına sen de ettiñ, av,
Bir dubara.
Cañğızlıqman, caşlıqman, av,
Künim qara,
Can berecek cerimden, av,
Açıldı cara,
Oñmay-bitmey, kün-künden, ay,
Açıla bara, ey-ey!

A-a-ay!
Tañ yıldızı körinmez, av,
Pek erekten.
Qarşıma, av, bir qız çıqtı
Tögerekten.
Men şu qızğa urıldım, av,
Can cürekten,
Arqama urıp, col cürsettim, av,
Col yaqın, dep,
Ayttı mağa hatredir, ay,
Cavlığım dep, ey-ey!

A-a-ay!
Ay al keldim, cavçı keldim, av,
Almağa keldim.
Al duvaqnı başına, av,
Sarmağa keldim.
Al tuyaqlı canbazım, av,
Süre de keldim,
Tilki tonnıñ etegin, av,
Türe de keldim,
Türlendirip, av, kelinçek,
Toy etmege keldim, ey-ey!

Добавлено (30.01.2010, 12:43)
---------------------------------------------
NOĞAY BEYİTLERİ-2

A-a-ay!
Bismillâ, dep, yalla, dep, av,
Mindim atqa,
Közlerimni tige de kettim, av,
Men yaq-yaqqa,
Ögiz qarayman, dep, av,
Ayttım dav qartqa,
Ögiz de tuvul muradım, av,
Qız qaramaq ta, ey-ey!

A-a-ay!
At atlanıp, çıqıp edim, av,
Aynı körip,
At üstinden üyirilip tüştim, av,
Toynı körip,
Toy içinde otıra edim, av,
Marum bolıp,
Bir serpilip qaramadı, ay igiler,
Carem bolıp, ey-ey!
A-a-ay!
Alay da alay, alaynıñ, av,
Qızı da qayday?
Körmesini sorasañ, av,
Tuvğan ayday.
Mayışıp kelgen beli bar, av,
Taze talday,
Bir kün bayın körmesem, ay igiler,
İçim qaynay, ey-ey!

A-a-ay!
Otarımnıñ aldında, av,
Otıra edim,
Semiz taynıñ etin de, av,
Toray-toray,
Qoñşımızdan bir qız da keldi,
Cengesin soray,
Cenge mında yoq dedim, ay igiler,
Qayttı da cılay, ey-ey!

A-a-ay!
Ğaq-ğaq etip avede uçqan, av,
Qaz tuvulmı?
Cigitlerni zarqıldırğan, av, _
Qız tuvulmı?
Qıznıñ qoynı, av, qırq kün çille
Yaz tuvulmı?
Avlamda bolğan
Alay malım aydap barsam, ay, igiler,
Az tuvulmı? Ey-ey!

A-a-ay!
Cılqı içinde süyer atım, av,
Temir de köktir,
Cuvurışıp bilmeymen, av,
Cürişi köptir.
Özimni özim maqtayman, av,
Köy içinde,
Meni al dep cürgen qızlar, ay igiler,
Yaman da köptir, ey-ey!

A-a-ay!
Cılqı içinde süyer atım, av,
Ciyren baytal,
Ey, egeçi, cılqımnı, av,
Bu yaqqa qaytar.
Caş kelinmen dost bolsañ, av,
Bayına aytar,
Aruv qızman dost bolsañ, ay igiler,
Qaruvıñ qaytar, ey-ey!

A-a-ay!
Ulu qırnıñ bavurı, av,
Arqa da marqa.
Üyirilip minsem agıma, av,
Asker de darqar,
Cuvurma, av, aruv da qız,
Alem de baqar.
Sen aruvğa bir qavuşsam, ay igiler,
Dertim de darqar, ey-ey!

A-a-ay!
Bir tek çınar, eki çınar, av,
Çin boylı yar,
Çimtiyandan kölmegi bar, av,
Ceñleri tar,
Özi biçip, özi tikken, av,
Ne aruv yar!
Sen aruvnı men süydim, ay igiler,
Ne söziñ bar, ey-ey?

A-a-ay!
Anav qırnıñ artında, av,
Bir kök saray.
Kök saraydan bir qız çıqtı, av,
Zilfin taray,
Qayırılıp, selâm berdim, av,
Selâm da almay,
O da menday bir dertli eken, ay igiler,
Qaldı da cılay, ey-ey!

A-a-ay!
Bir qara çal atım bolsa, av,
Avnasam-minsem,
Bir elâ köz yarem bolsa, av,
Oynasam-külsem,
Qutna corğan serpip açıp, av,
Qoynına kirsem,
Sensiñ menim aruvım dep, ay igiler,
Qopaya cürsem, ey-ey!

A-a-y!
Aqçal atım cibere berdim, av,
Öre salıp.
Aq tazı itim qoyan aldı, av,
Süre salıp.
Görimcesi aybar tartqan egeçigim,
Öziñ yaman alıştırdıñ, ay igiler,
Üyge alıp, ey-ey!

A-a-ay!
Mırzalarnıñ sarayı, av,
Büyük de bolır.
Künge taban peceresi, av,
Qıyıq da bolır.
Süygen yarıñnı barıp da
Başqası alsa,
Otqa canğanday cüregiñ, ay,
Küyük de bolır, ey-ey!

Добавлено (30.01.2010, 12:43)
---------------------------------------------
NOĞAY BEYİTLERİ-3

A-a-ay!
Qulan çölde cayrap cata, av,
Lâle çeçek.
Çeçeklermen qarışıp ösken, av,
Bir celimçek.
Cuma küni cumalap çıqqan, av,
Qız-kelinçek,
Qız-kelinçek cıyının, av,
Onda kördim,
Pek begenip, ürmet etip, ay igiler,
Selâm da berdim, ey-ey!

A-a-ay!
Cuvurıp keldi bir aruv qız, av,
Qolımnı aldı:
“Qoş keldiñiz, uruvım”,– dep, av,
Köñlim aldı,
Qolındağı al cavlığı, av,
Tüşip qaldı.
Aruvlığın siz sormañız, av,
Men aytmayım,
Onı taşlap, o cıyından, ay igiler,
Neday qaytayım, ey-ey?

A-a-ay!
Cañı tuvğan cañı ayday, av,
Qaşları bar,
Qulaçqa sıymaz, qucaqtan artmaz, av,
Saçları bar,
Salımlı boğaq, salıq tüs, av,
Tişleri bar,
Carav atday qara qazday, av,
Cürişi bar,
Qalq qatında aytılmazday, av,
Külişi bar, ey-ey!

A-a-ay!
Üstke kiygen al pirimcik, av,
Kölegi aq qar,
Onı körgen ğarip noğay, av,
Çekecek zar.
Qınalı parmaq, qardan aq, av,
Bilekleri,
Tübili ceñ, dört çabuvlı av,
Etekleri.
Cigit içün öskendirler, ay igiler,
Çeçekleri, ey-ey!

A-a-ay!
Otıra edim cañğız üyde, av,
Pikir etip,
Caratqan bir qudayıma, av,
Şükür etip.
Köñil coştı sen aruvğa, av,
Barayım, dep,
Aruvımnıñ al-evalın, av,
Sorayım, dep,
Al canaqtan bir gül de bolsa, ay igiler,
Alayım dep, ey-ey!

A-a-ay!
Ayannay berip, barıp edim, av,
Pencerege,
Qulağımnı salıp edim, av,
Aq şişege.
Aruvçığım yuqlap catır, av,
Aq cayılıp.
Oh!.. cüregim otday candı, av,
İçim tolıp,
Ayağımnı cılıştırdım, ay igiler,
Qapı betke, ey-ey!

A-a-ay!
Men qapını zorman taptım, av,
Ölip-talıp.
Qapısını pek begitken, av,
Tirep-cabıp.
Aça qaldım şu qapını, av,
Ebin tabıp,
Men, taliysiz, şaşıp qaldım, av,
Qapını cabıp,
Yanına neday barayım, ey igiler,
Usulın tabıp, ey-ey!

A-a-ay!
Ayannay berip, kirip edim, av,
Ayat üyge,
Qamıçımnı ilip saldım, av,
Ağaç çüyge,
Tuydırmay da kirip edim, av,
İçkeri üyge,
Carav atday, ayağınnı, av,
Qaz-qaz basıp,
Eki aruv catır eken, ay igiler,
Qoyınlaşıp ey-ey!

A-a-ay!
Şu aruvnıñ baş betine, av,
Qolım saldım,
Esim ketip, bayılğanday, av,
Bolıp qaldım.
Oyandılar baqarından, av,
Toymay qaldım,
Ayırılğan qara qazday, av,
Çuvladılar,
Tutılmağan emlik atday, ay igiler,
Duvladılar, ey-ey!

A-a-ay!
Biri tüben qarap turdı, av,
İndemedi,
Birisi de mağa qarap, av:
“Kimsiñ?” – dedi.
Nazlı-nazlı köz astından, av,
Qarap küldi.
Alla-alla, men qaşqanı, av,
Alıñız elge,
Menden ğayrı kim kelecek, ay igiler,
Siz dülberge, ey-ey?

A-a-ay!
Men ekenim bilgenden soñ, av,
Külip baqtı,
Külimsirep: “Qoş keldiñ!” – dep, av,
Bir söz ayttı.
Tilim qata söyledi dep, av,
Boğazdan qayttım.
O bir gece şu aruvman, av,
Sır qoşqaman.
Tañrı soqsın töbemden, ay igiler,
Adaşqaman, ey-ey!

Добавлено (30.01.2010, 12:44)
---------------------------------------------
NOĞAY BEYİTLERİ-4

A-a-ay!
Anav qırnıñ artında,
Ulaq da baqtım, av, ulaq da baqtım,
Ulaqlarım qaytaralmay, av,
Cılap da baqtım,
Aruv-aruv qızlarnı, av,
Qıstap da baqtım,
Qızlar qulaq asmağan soñ, a-ay,
Cılap da qayttım, ey-ey!

A-a-ay!
Anav qırnıñ artında,
Cayrap catqan nane çeçek, nane de çeçek.
Başına üymeleşken, av,
Qız-kelinçek, qız-kelinçek,
Çağırdılar da barmadım, a-ay,
Men erinçek, ey-ey!

A-a-ay!
Kirçenlengen kölmegimni, av,
Cuvıñız, qızlar, cuvıñız, qızlar.
Terlep kelgen atımnıñ terini
Uvıñız, qızlar, uvıñız, qızlar.
Tañ atqan soñ, tar qoynıma, a-ay,
Turıñız, qızlar.
Tañ atqan soñ, tar qoynıma, a-ay,
kölmegiñni, av,
Ceñgeñ de cuvsın, ceñgeñ de cuvsın.
Terlep kelgen atıñnıñ terini
Ceñgeñ de uvsın.
Tañ atqaçı başıñda tecalla bolıp
Şaytanlar tursın.
Tañ atqan soñ, tar qoynıña,
Cılışa berip, a-ay,
Cılanlar kirsin, ey-ey!

A-a-ay!
Anav qırnıñ artında,
Küyen-qoray, küyen-qoray,
Küyen-qoray içinde çöpele torğay,
Çöpele torğay qozlağan cımırtqası
Çubar dav bolğay.
Bizge degen bitli baş,
İnşalla, a-ay,
Çeber dav bolğay, ey-ey!

NOĞAY BEYİTLERİ-5

A-a-ay!
Ayt deseñiz, men aytayım noğaynıñ beyitin
Bilgenden soñ.
Tilmen tañlay körineken, ay,
Külgenden soñ.
Üstimizge otlar biter, ay,
Ölgenden soñ.
Toqız tüye tölep alğan baynıñ qızı
Bizge ne eter?
Sipte küni aqtan qorqıp,
İyisin eter,
Ekinci küni qalqtan uyalıp,
Sıyısın eter,
Üçinci küni, duvadaqnıñ atasınday
Çadırlanıp, a-ay,
Bayğa da keter, ey-ey!

A-a-ay!
Çıbırma, cılqım, çıbırma
Çıbırğandan soñ,
Şıbırtqımnı cerge urıp,
Şıpırğandan soq.
Aruvman dep maqtanma sen,
Baynıñ qızı,
Qabırğañda et qaldırmam
Sıdırğandan soñ.
Senden aruvın tabarman, a-ay,
Qıdırğandan soñ, ey-ey!

A-a-ay!
Bir ayday, eki ayday, av,
Üç ayday.
Noğaynıñ bir qızı bar
Tuvğan ayday!
Qaşları bar qaytanday, av,
Qolı cayday,
Saçları örilgen, qılğanday,
Sozıp salğan cılanday, a-ay,
Kökregi qalqıq, tomalaq,
Tostaqanday, ey-ey!

A-a-ay!
Cılqı içinde, yav, süyer atım
Ciyren baytal.
Ey aqay, av, cılqımnıñ
Uçın qaytar.
Kelinçekke söz qatsañ, av,
Bayına aytar.
Aruv qızğa söz aytsañ, av,
Qaruvıñ qaytar.
İçinde bolğan sırların
Barın da togip, a-ay,
Dertin de aytar, ey-ey!

A-a-ay!
Bismillâ aytıp, ber Alla, dep,
Mindim atqa,
Men özime qız qıdıra ketemen,
Dep ayttım qartqa.
Çığıp edim çölligime,
Kiyigim avlay.
Ulu qırğa bitken eken
Lâlemen çeçek,
Qapqaçılay qara özekke
Cumaçılay çıqqan eken
Qız-kelinçek, ey-ey!

A-a-ay!
Ol cıyınıñ bir çetine
Selâm berdim men qademsiz.
Selâm alıp, izzet qıldı
Bir aruv qız.
Ol cıyınnıñ bir çetine
Siz diñleñiz.
Alem zatqa beñzemeycek
İşleri bar.
Aq inciniñ danesiday
Tişleri bar,
Belleri qumğa bitken
Qubatalday,
Qaşları qalem ilen sızılğan
Limon talday,
Salmalı buğaq,
Salıq töşli,
Mimildap basqan
Qaz cürişli,
Ah bu çayanıñ bir körmesi, a-ay,
Dünya malıday, ey-ey!


Körermiken tatarlıq bir oñğanlıq?

Сообщение отредактировал RiverRat - Суббота, 30.01.2010, 12:41
 
O-skinДата: Среда, 03.02.2010, 10:41 | Сообщение # 30
Рядовой
Группа: Пользователи
Сообщений: 10
Репутация: 1
Статус: Offline
RiverRat! чокъ сагъол акъай.
 
Форум » Форум Qmusic » Общий форум » Йырларынъ сёзлери (тексты песен, lyrics)
  • Страница 2 из 5
  • «
  • 1
  • 2
  • 3
  • 4
  • 5
  • »
Поиск:

Copyright Refat Ametov © 2018 Вся музыка на сайте представлена исключительно для ознакомительного прослушивания