Bir bar eken, bir yoq eken. Allahnin qulu choq eken. Bir zamanlar Qirim memleketinde bir insafli adam yasagan eken. Onun adi Remzi eken.
Yureginde uc muradi bar eken: Ev qurmaq, terek oturtmaq ve ogul östürip-büyütmek. Bir coq terek oturttu, evini aman aman qurup bitirdi, balaban azbarinda top top pesilgen ostirib koy bazarinda satip kecine edi. Ama, bu qadar yasqa kirib bir bala kormedi zavalli. Bekarliq da canina tiydi. Evleneyim dese, koyunde qiliy Fatmadan basqa yas qiz yok eken.
Remzi letafetli, nazik, guzel yuzlu, qolundan ish kelgen, ash pishirmege bilgen canbaz yar aqqinda arzu ete. Uzun lafnin qisqasi, haqiqiy bir qirimtatar civani aqqinda hayal etip boldurmay. Kimerde, cani siqilganda, bizim aqay cuma aqsami kunleri yasanip, Aqmecite Infinity degen ciyinga eglenmege bara eken. O yerde o "Baydaravanin yollari" degen halq yirini dinleyip oynamaga pek begeni edi . Oyunga tusmege azir ekende qalabaliq icinde turgan dulber, pullu anter kiygen, qara qas bir qizga kozu tuse.
Remzi canini avucuna alip qizni oyunga teklif ete, ama qiz da sadelerden degil, bir kereden razi olmay. "Rezil oldum, bu guzel seer qizi olsa, men koyden kelgen bir fuqare adamim, tabi ki mennen oynamaga razi olmaz. Qiz etrafinda seer ballari sanki ates kelebekleri kibi ucusup yureler. Men onu unutmam kerek." dep kederlenmege basladi Remzi. O da yetismegendey, Seit Umer aga qonsusunun qiliy Fatma qizida bu yerde. O meni korgen olsa, koyumuzge barib laf satmaga baslasa bittim yandim men. "Eh, yer ekige yarilsa edi, kirip keter edim"
O qizni begendi ama ne etsin, firsat qolundan ketti.
Say etip tusune eken, apansizdan basina bir fikir kele.
-"Tohta, tohta men sizlerge Remzinin kim olganin kosteririm daa" dep tushune. Calgicilarnin qoluna 50 kumus para tutturup, "Catirdagin tubunde salqin suvlar aqayur" degen turkuni simaris ete.
Ve kene o qizni yanina bara. Bu sefer, qiz nichundur razi ola. Belki Remzige birden raziliq bermek istemegen, belki de calgini pek begendendir.
Guzel qiznen oynay eken, "cala, cala, galiba, uydura basladiq" dep tushune Remzi. Remzi aqaynin "qiz avlama" tecrubesi cok degil.
Qiznin yimsaq elini tutar eken, qollari eyecandan terlemege baslay. Belki onun ichun de qiznin adini bile soramaga unutqandir. Simdi ogunde tek onu: bahar fideleri kibi taze, qir cicekleri qadar dulber, saclari ucansuvday aqqan, narin vucutlu melekni kore edi...
ну конечно))) мне же не понять 
